Anno2024
RegiaAndrea Fortis
Durata76'
Lingua minoritariaDialéttu napoletano
TipologiaDocumentàriu
Sinossi
Est in su dualismu, siat de su corpus e siat de sa conca, chi is femminielli, figura antiga de sa curtura populari napulitana, si bivint sa vida de dònnia dii, intendendisì in su pròpiu tempus fèminas e mascus puru. E perou funt aintru etotu de sa vida de sa sotziedadi e a bortas podint essi finas un’arreferimentu spirituali e arreligiosu po sa comunidadi. In d-unu cuntestu de mollus sotzialis sèmpiri cambiendi, s’agatant in dii de oi puru, paricis traditzionis secularis acapiadas a custa figura.
Biografia
Andrea Fortis at pinnigau apari sa passioni po su tiatru e sa fotografia cun d-una esperièntzia televisiva manna: de su 2007 est traballendi cumenti a montadori e cameraman po Mediaset, Magnolia e Sky. In su 2011 at studiau regia in sa London Film Academy, innui at girau su film curtzu Sound of Silence, e in su 2013 at fatu su seminàriu “Fare Cinema” de Marco Bellocchio. Su documentàriu cosa sua Femmenell – City of Mermaids at bintu in su 2019 su prèmiu Miglior Progetto in su pitching festival Visiona Incontra de Milanu.
