Anno2025
RegiaAurélie Scouarnec
Durata42'
Lingua minoritariaBretone
TipologiaDocumentàriu
Sinossi
Ar Yezh (chi in brètunu bolit nai sa fueddada) est unu documentàriu chi andat a scorrovonai s’acàpiu cun sa fueddada brètuna de oi, màssimu in mesu de cuddus chi no dda tenint prus cumenti a lìngua de bartzolu. Paricis genias s’arrespundint apari e si ligant gràtzias a su fueddu e a sa terra chi ddus ingìriat. Su film bolit torrai sa boxi a custa fueddada e a is cambiamentas suas carralis, cantendiddas puru. Boxis chi a bortas ndi betint dudas e pentzamentus. In mesu de sa lassa e sa cambiamenta, bivint impari creatzionis, timorias e speras po su cras de custa fueddada.
Biografia
Aurélie Scouarnec est un’artista visiva parigina chi su traballu suu pinnigat apari fotografia documentària e circa poètica. In su 2022 at tentu s’agiudu de su CNAP po su progetu Gwiskañ / Revêtir, pubricau in su 2024 e presentau in is Champs Libres de Rennes. Su progetu innantis, Feræ— girau in centrus de cura po animalis arestis—at arriciu su prèmiu Talents Contemporains de sa Fondation François Schneider e sa Bourse du Talent, e at girau in Frantza e in s’èsteru puru. In su 2023 e 2024 at fatu amostas personalis in Parigi (Galerie du Haut Pavé) e in La Roche-sur-Yon. Ar Yezh (2025) est su primu film documentàriu cosa sua.
