Anno2025
RegiaMehmet Ali Konar
Durata100'
Lingua minoritariaKirdki-zazaki (dialetu curdu)
TipologiaLongumetràgiu
Sinossi
Civan, unu babbu giovuneddu, est malàdiu meda e circat de imparai a su fillu Feyzi a bivi sa vida sua chentza de ddi nai ca est acanta de si ndi andai. In su interis chi Feyzi mancai piticheddu est circhendi de cumprendi beni ita est sutzedendi, is batallas polìticas, is proibitzionis, is sparessimentus e is mortis de parentis e bixinus a ingìriu insoru càmbiant sa vida de issus in d-unu inferru. Unu contu tra babbu e fillu in is logus curdus de sa Turchia trumentada de sa gherra.
Biografia
Mehmet Ali Konar est unu regista curdu indipendenti chi bivit in Istanbul, s’est laureau in su 2005 in sa Facultadi de Comunicatzioni de sa Universidadi de Marmara. In su 2006 at studiau su cìnema italianu in Roma. At fatu un’esperièntzia de otu annus in sa televisioni, traballendi po documentàrius e filmis in Istanbul. Fintzas a imoi at scritu e dirìgiu tres filmis seletzionaus po festival de cìnema in Turchia e a foras puru.
