Anno2024
RegiaJaime Lock
Durata11'
Lingua minoritariaKernewek (cornish)
TipologiaCurtzumetràgiu
Sinossi
In is ìsulas de Scilly, in d-una festa de batiari in d-unu barrixeddu de bidda, Cam, unu piciocheddu trans de 16 annus, no stait beni e si nc’agatat mali in sa comunidadi aici pitichedda de s’ìsula. Candu lompit Teän (20 annus), sigurə e no-binàriu decrarau, Cam si intendit biu, po sa primu borta. Sa presèntzia insoru ndi scidat calincuna cosa scuriosa in su fradi mannu de Cam, Jago, chi ponit in avolotu su barrixeddu. Po agatai pagu pagu assèliu Teän e Cam si fuint costa costa. Nci dd’acabant in d-una praja, aundi Teän tenit un’idea po marcai de manera trans s’ìsula.
Biografia
Jaime Lock est unu regista, scenegiadori e poeta trans* de St Mary’s, in is ìsulas Scilly. Is poesias suas s’agatant in arrevistas e antologias cumenti a fourteen poems, HE/SHE/THEY/US (Macmillan, 2024) e Cornish Modern Poetries (Broken Sleep Books, 2022). Su traballu On the Rock dd’at bòfiu sa BBC po su progetu New Creatives. At traballau in programas de scridura cumenti a sa Writers’ Room de Apples and Snakes e Write Out Loud de Down Stage Write. Sa poesia sua Our Islands est bènnia a essi unu film curtzu dirìgiu de Michael Eddy. In su 2023 at bintu The Squint Playwriting Award.
