Anno2024
RegiaRehab Nazzal
Durata16'
TipologiaDocumentàriu
Sinossi
Sa regista si fait a biri sa vida de custus piciocus surdus crèscius cun s’embargu e is atacus israelianus a sighidura in sa strìscia de Gaza ocupada. Su contu benit fatu cun brofetu de is boxis de is pipius, chi contant sa bisioni insoru de is bombardamentus, de su sciorrocu e de su zùmiu de is dronis. A prus de totu custu, su film ndi bogat a pillu sa chistioni chi sa maladia insoru siat naturali o po mori de s’imperu de Israele de armis grais, cumenti a cuddas sònicas.
Biografia
Rehab Nazzal est un’artista e educadora multidisciplinari palestinesa-canadesa chi est bivendi in Montreal, in Cànada, e in Betlemme. In sa faina sua chistionat de is efetus de sa violèntzia coloniali in is pòpulus, in sa terra e in is atras formas de vida de sa Palestina colonizada. Is fotografias suas, is vìdius, is sonus e is istallatzionis funt espostus e projetaus no sceti in Palestina e in Cànada ma fintzas in cuntestus internatzionalis. Oindii est Postdoctoral Fellow in sa Concordia University di Montreal e docenti in sa Dar Al-Kalima University de Betlemme. At girau paricis filmis curtzus a tretu ‘e mesu intra su documentàriu e sa vìdiu-arti, cumenti a Dima, A Night at Home, Canada Park, Bodies in Motion, Mourning e Bil’in.
