Anno2023
RegiaItandehui Jansen
Durata75'
Lingua minoritariaMixtec
TipologiaLongumetràgiu
Sinossi
In d-unu benidori chi no est atesu meda, in su 2084, Ángel, unu disterrau climàticu chi bivit in d-una smart city calisisiat sèmpiri billada si campat ponendi matas, alloghendi sa sabidoria de is pisus, chi est sparessendi. In custu logu scomunigau ddi atòbiat Sofia, un’atra disterrada climàtica chi est traballendi in d-un’impiantu de arreciclai. Su fadu fait ingruxai is vidas insoru e un’atòbiu nàsciu aici fait scuberri un’acàpiu nou: una fueddada cumpartzia. Sciendi ca funt sèmpiri billaus apetotu de manera digitali, Ángel detzidit de comunicai cun issa cun d-un’aina foras de su tempus, est a nai pinna e paperi, faendi nasci unu liòngiu de intrànnias foras de sa lei. Cumenti custu scriri segretu sighit a cresci, aici etotu crescit s’amigàntzia funguda intra Ángel e Sofia e su disìngiu de si ndi sfranchiri de totu cussu controllu foras de contu.
Biografia

Itandehui Jansen est una regista de Oaxaca, in Mèssicu. At studiau in sa Netherlands Film Academy de Amsterdam e at pigau parti a programas internatzionalis famaus cumenti a sa Berlinale Talents, Binger Film Lab e su Torino Film Lab. Is traballus suus ddus ant sceraus in paricis festival internatzionalis, cumenti a su IDFA, FICM, Washington D.C. Shorts, ZINEBI, London Short Film Festival e Slamdance, arricendi prèmius puru. Su film longu de issa In Times of Rain at bintu su Prèmiu po su Mellus Film Nou in su Oaxaca Film Fest, e su film curtzu Itu Ninu dd’ant premiau in su Cine Las Americas, in su Galactic Imaginarium de Tirana e in su Arizona International Film Festival. Oindii est docenti de Cìnema in sa Screen Academy Scotland.